पूरग्रस्तांच्या मदतीसाठी आमदार शशिकांत शिंदे महाविद्यालयाचा पुढाकर*

*पूरग्रस्तांच्या मदतीसाठी आमदार शशिकांत शिंदे महाविद्यालयाचा पुढाकर* आमदार शशिकांत शिंदे महाविद्यालय मेढा येथील राष्ट्रीय सेवा योजना विभागाच्या माध्यमातून सोलापूर आणि मराठवाडा जिल्ह्यातील पूरग्रस्त नागरिकांना मदत करण्यासाठी शिवाजी विद्यापीठाने केलेल्या आवाहनाला उस्फुर्त प्रतिसाद देत महाविद्यालयातील विद्यार्थी शिक्षक आणि शिक्षकेतर कर्मचारी यांनी पूरग्रस्तांसाठी अन्नधान्य,कपडे, किराणा वस्तू, खाद्यपदार्थ, शालेय साहित्य, इत्यादी  वस्तू स्वरूपातील मदत महाविद्यालयाचे प्राचार्य मेजर डॉ.अशोक व्ही .गिरी यांच्या मार्गदर्शनाखाली संकलित करण्यात आली. याबरोबरच सातारा जिल्ह्यातील विविध महाविद्यालयांनी जमा केलेली मदत संकलित करण्याचे प्रमुख केंद्र म्हणूनही पुढाकर घेऊन महाविद्यालयाने यशस्वी जबाबदारी पार पाडली आहे. सदर जमा केलेली वस्तू रुपातील मदत सातारा येथील जिल्हाधिकारी कार्यालयातील आपत्ती निवारण कक्षामध्ये जमा करण्यात आलेली आहे. महाविद्यालयाने जोपासलेल्या  या सामाजिक बांधिलकीबद्दल  संस्थेचे अध्यक्ष आमदार शशिकांत शिंदे ,सचिव वैशाली शिंदे यांनी विद्यार्थी आणि शिक्षक यांचे कौतुक करून  विषेश आभार मानले. प्राचार्य मेजर डॉ. अशोक गिरी आणि महाविद्यालय विकास समिती सदस्य डॉ. प्रमोद घाटगे यांच्या मार्गदर्शनाखाली एन.एस.एस. कार्यक्रम अधिकारी डॉ. संजय धोंडे, डॉ.विनोद पवार, तसेच सर्व एन.एस.एस. समिती सदस्य, स्वयंसेवक विद्यार्थी यांनी  मदत संकलित करण्यासाठी विशेष परिश्रम घेतले.

आमदार शशिकांत शिंदे महाविद्यालयांमध्ये ॲन्टी रॅगिंग व लैगिंक छळ प्रतिबंध जनजागृती कार्यक्रमाचे आयोजन*

*आमदार शशिकांत शिंदे महाविद्यालयांमध्ये ॲन्टी रॅगिंग व लैगिंक छळ प्रतिबंध जनजागृती कार्यक्रमाचे आयोजन*

मेढा दि . ७ ता जावली  येथील आमदार शशिकांत शिंदे  महाविद्यालया मध्ये आज महाविद्यालयातील विद्यार्थी व विद्यार्थिनी यांना भेडसावणाऱ्या विविध समस्यांबाबत जनजागृती व विद्यार्थी सुरक्षितता या अनुषंगाने ॲॅन्टी रॅगिंग व  लैंगिक छळ प्रतिबंध संदर्भातील कार्यक्रमाचे आयोजन करण्यात आले होते. यावेळी त्यांनी रॅगिंग म्हणजे काय, रॅगिंग गैरप्रकार कसे केले जातात,अशा प्रकाराला कोणीही बळी पडू नये कायद्यामधे यासाठी कोणकोणत्या शिक्षेची तरतूद आहे या विषयी मार्गदर्शन करून पोलीस सदैव आपल्या सोबत आहेत असा विश्वास मेढा पोलीस स्टेशनचे सहाय्यक पोलीस निरीक्षक श्री सुधीर पाटील यांनी दिला.

 आजच्या सोशल मीडियाच्या जगातील वाढती नवनवीन आव्हाने व वाढती गुन्हेगारीला विद्यार्थी कसे बळी पडतात या विषयी ही श्री.सुधीर पाटील यांनी  विद्यार्थ्यांना सखोल मार्गदर्शन करून सुसंवाद साधला.

यावेळी कार्यक्रमाचे प्रास्ताविक लैंगिक छळ प्रतिबंधक समितीचे समन्वयक प्रा.श्री प्रवीण जाधव यांनी केले .यावेळी लैंगिक छळ प्रतिबंधक कायदा व विद्यार्थी सुरक्षितता याविषयी माहिती दिली .

कार्यक्रमाचे अध्यक्ष प्राचार्य मेजर डॉ अशोक व्हि गिरी यांनी आपल्या मार्गदर्शनामध्ये विद्यार्थ्यांशी संवाद साधताना सर्व विद्यार्थ्यांनी आपली स्वतःची सुरक्षितता व काळजी कशी घ्यावी याबाबतीत मार्गदर्शन केले तसेच विद्यार्थी सुरक्षितता या दृष्टीने महाविद्यालयात असलेल्या विविध सुविधा तक्रारपेटी, सीसीटीव्ही कॅमेरे व कार्यरत असणारी अँटी रॅगिंग,लैंगिक छळ प्रतिबंधक समिती, विद्यार्थी सुरक्षितता समिती तसेच या शिवाय महाविद्यालयातील विद्यार्थ्यांच्या  कोणत्याही अडचणी सोडवण्यासाठी  प्राचार्य म्हणून मी व माझे सर्व शिक्षक व शिक्षकेतर कर्मचारी वेळी महाविद्यालयात उपलब्ध असतो.जयवंत प्रतिष्ठान चे सन्माननीय अध्यक्ष मा आमदार शशिकांत शिंदे साहेब व संस्थेच्या सन्माननीय सचिव मा वैशाली शिंदे मॅडम यांचे आपणास मोलाचे सहकार्य नेहमीच लाभत असते याचा 

आवर्जून उल्लेख केला.आपल्या महाविद्यालया मध्ये आपण सर्वजण अतिशय सुरक्षित आहात असा मी आपणास विश्वास देतो. याप्रसंगी अँटी रँगिंग संदर्भातील भित्तीपत्रक व पोस्टरच्या प्रदर्शनाचे आयोजन करण्यात आले होते.

 या कार्यक्रमासाठी महाविद्यालय विकास  समितीचे  सदस्य डॉ प्रमोद घाटगे सर यांनी शुभेच्छा दिल्या.लैंगिक छळ प्रतिबंधक समितीचे प्रा प्रविण जाधव, प्रा सौ . धनश्री देशमुख मॅडम व कनिष्ठ महाविद्यालयातील मुख्य समन्वयक प्रा संतोष कदम व सहाय्यक समन्वयक प्रा सौ सुषमा काळे मॅडम सर्व वरिष्ठ व कनिष्ठ महाविद्यालयातील सर्व शिक्षक व शिक्षकेतर कर्मचारी वर्ग शिक्षकेत्तर कर्मचारी व विद्यार्थी मोठ्या संख्येने उपस्थित होते .यावेळी कार्यक्रमाचे सूत्रसंचालन राज्यशास्त्र विभागाच्या प्रमुख प्रा.सौ गायत्री जाधव मॅडम यांनी केले तर आभार प्रा. धनश्री देशमुख मॅडम यांनी मानले.

Happy Birthday!!

🌹 सन्माननीय वहिनीसाहेब 🌹

स्वप्नांची उंच भरारी घ्या ✨

की जग थक्क होऊन पाहत राहील,

उमेद अशी जागवा की

प्रत्येक अडथळा पायरी बनेल,

ज्ञानाची अशी संपदा जोडा की

पिढ्या पिढ्यांना प्रकाशमान करेल.

आपल्या कर्तृत्वाच्या तेजाने

समाज नव्या वाटा शोधेल,

आपल्या नेतृत्वाच्या ऊर्जेने

प्रगतीचे शिखर गाठेल.

🎂 या विशेष दिनी

आयुष्यभर निरोगीपणा, आनंद आणि यशाची

अखंड उधळण व्हावी,

हीच भवानीमातेकडे प्रार्थना 🙏

💐💐 वाढदिवसाच्या मनःपूर्वक शुभेच्छा !! 💐💐

– डॉ. सुधीर नगरकर

*आमदार शशिकांत शिंदे महाविद्यालय मेढा येथे शारदीय नवरात्र उत्सवा निमित्ताने विद्यार्थ्यांना साठी आनंद सोहळ्याचे आयोजन*

*आमदार शशिकांत शिंदे महाविद्यालय मेढा येथे शारदीय नवरात्र उत्सवा निमित्ताने विद्यार्थ्यांना साठी आनंद सोहळ्याचे आयोजन*

मेढा . दि . २५ सप्टेंबर रोजी मेढा येथील आमदार शशिकांत शिंदे महाविद्यालयाचे प्राचार्य मा . मेजर डॉ अशोक व्हि गिरी यांच्या पुढाकाराने तीन वर्षां पासून विद्यार्थ्यांना आपल्या प्राचीन सण, समारंभ व *विद्यार्थ्यांच्या विविध कला, गुणांना योग्य व्यासपीठ मिळावे* यासाठी सुरू केलेली नवरात्र उत्सवाची परंपरा कायम आहे .विद्यार्थीच्या सहभागातून सुरु असलेल्या या अनोख्या परंपरेत विद्यार्थी व विद्यार्थीनी मोठ्या प्रमाणात सहभागी होतात . यावेळी घटस्थापनेच्या मुहूर्तावर आकर्षक सजावट व विजेच्या रोषणाई मध्ये आई अंबाबाईच्या प्रतिमेचे पूजन करून नियमित सर्व विद्यार्थी व विविध मान्यवरांच्या हस्ते आरती केली जाते .यानंतर चार दिवसांमधे विविध महाराष्ट्रीयन संस्कृतीची परंपरा जोपासणे व मुलांच्या विविध कला गुण कौशल्यांचा विकास करण्याच्या हेतून कार्यक्रमाचे आयोजन करण्यात येते .यावेळी मुली नववारी साडी परिधान करून *मंगळागौर ,भोंडला, झिम्मा - फुगडी याचबरोबर अनेक पारंपारिक लोकनृत्य व गीते यावर नाच करत आपल्या कला संस्कृतींचे दर्शन घडवतात* . याबरोबर *मेहंदी स्पर्धा, रांगोळी स्पर्धा व विविध स्पर्धामध्ये मोठ्या प्रमाणावर सहभागी होतात. यावेळी रोज कार्यकमां साठी विविध मान्यवर उपस्थित राहून विद्यार्थ्यांच्या कला गुणांचे कौतुक करतात . याचबरोबर मुले विविध प्रकारच्या फनी गेम मध्ये सहभागी होतात याचबरोबर *रोज कार्यक्रमाच्या समारोपाला रास दांडीयाचे आयोजन करून मुले व मुली स्वतंत्र गोल राऊंड करून दांडीया खेळतात*.

शेवटच्या दिवशी सर्व विविध प्रकारच्या स्पर्धांमधून व खेळांमधून प्रथम तीन क्रमांक काढून त्यांना ट्रॉफी व मेडल देऊन त्यांचे महाविद्यालय व संस्थेच्या वतीने कौतुक केले जाते . हा विविध प्रकारच्या स्पर्धांचा व भरगच्च अशा विविध गुण दर्शन कार्यकमाच्या आनंदसोहळाचा समारोप गुरुवारी संपन्न झाला .

या समारोपाच्या कार्यक्रमासाठी अध्यक्ष म्हणून महाविद्यालयाचे प्राचार्य मेजर डॉ अशोक व्हि गिरी उपस्थित होते त्यांनी यावेळी सर्व विद्यार्थ्यांना आपल्या भारतीय संस्कृतीची ओळख व संस्कृतीचे रक्षण, आपल्या प्राचीन परंपरा, लोककला, धार्मिक परंपरा यांचे जतन व्हावे . नवीन पिढीला याबाबत माहिती व्हावी .हा कार्यक्रमाचा मुख्य उद्देश आहे असे आवर्जून प्रतिपादन केले त्याचबरोबर आपण आपल्या संस्कृतीतील या परंपरा पुढच्या पिढीला सांगावयाच्या असतील तर असे कार्यक्रम संपूर्ण राज्यभर व देशभर आयोजीत केले गेले पाहिजेत, अशी इच्छा व्यक्त केली . यावेळी विजेत्या सर्व स्पर्धकांना प्राचार्य यांच्या हस्ते बक्षिसे देऊन सन्मानित करण्यात आले . कार्यक्रमाचे प्रास्ताविक ज्युनिअर विभागाचे मुख्य समन्वयक प्रा . संतोष कदम यांनी केले. महाविद्यालय विकास समितीचे सदस्य डॉ प्रमोद घाटगे यांनी उपस्थित विद्यार्थ्यांना मार्गदर्शन केले. सूत्रसंचालन श्रीमती संध्या पोळ यांनी केले . तर आभार श्रीमती अनुराधा जाधव मॅडम यांनी माणले . या कार्यक्रमाला आर्थिक सहकार्य बँक ऑफ महाराष्ट्र शाखा मेढा यांचे वतीने करण्यात आले तसेच हा कार्यक्रम आयोजित करण्यासाठी संस्था अध्यक्ष आमदार शशिकांत शिंदे साहेब संस्था सचिव मा. वैशाली शिंदे मॅडम यांनी आयोजित महोत्सवास आवर्जून शुभेच्छा दिल्या. याशिवाय कार्यक्रम यशस्वी करण्यासाठी कनिष्ठ महाविद्यालयातील उप समन्वयक प्राध्यापिका सौ . सुषमा काळे व सर्व प्राध्यापक वर्ग तसेच एन एस एस विभाग प्रमुख डॉ . संजय धोंडे, प्राध्यापक श्री विनोद पवार ,सांस्कृतिक विभाग प्रमुख प्रा. श्री अतुल तिडके सर व सर्व सदस्य, तसेच राष्ट्रीय सेवा योजना विभागाचे स्वयंसेवक व विद्यार्थी प्रतिनिधी यांनी संपूर्ण कालावधीत देवीची आकर्षक रोशणाई व सजावट केली . याशिवाय महाविद्यालयाचे शिक्षकेतर कर्मचारी व माजी विद्यार्थी यांनी हा कार्यक्रम यशस्वी करण्यासाठी या सर्वांनी विशेष परिश्रम घेतले .

राष्ट्रीय सेवा योजना उपक्रमातून विद्यार्थ्यांवर उत्तम संस्कार व जबाबदारी चे उत्तरदायित्व घेण्याचे शिक्षण मिळते*

*राष्ट्रीय सेवा योजना उपक्रमातून विद्यार्थ्यांवर उत्तम संस्कार व जबाबदारी चे उत्तरदायित्व घेण्याचे शिक्षण मिळते* 

*बाळासाहेब शिंदे - समन्वयक, नाम फाउंडेशन, पश्चिम महाराष्ट्र* 

मेढा - दि.२४, सप्टेंबर रोजी आमदार शशिकांत शिंदे महाविद्यालयात राष्ट्रीय सेवा योजना स्थापना दिनाच्या निमित्ताने कार्यक्रमाचे आयोजन करण्यात आले होते. या प्रसंगी प्रमुख पाहुणे म्हणून नाम फाउंडेशनचे पश्चिम महाराष्ट्र समन्वयक, श्री.बाळासाहेब शिंदे यांना निमंत्रित केले होते. यावेळी विद्यार्थ्यांना संबोधित करताना त्यांनी राष्ट्रीय सेवा योजनेचे महाविद्यालयीन शिक्षणातील योगदान या विषयावरील आपले विचार मांडले. समाजाशी खरे नाते जोडण्याचे कार्य राष्ट्रीय सेवा योजनेच्या माध्यमातून होते. समाजाची खरी पारख होण्यासाठी राष्ट्रीय सेवा योजनेचा स्वयंसेवक असणे ही प्रत्येकाची जबाबदारी आहे. शिक्षणातून ज्ञान मिळते आणि राष्ट्रीय सेवा उपक्रमातून जीवनाच्या वास्तवतेची जाणीव होते. एक जबाबदार व्यक्तिमत्व आणि उत्तम नेतृत्व निर्माण करून बलशाली राष्ट्राची उभारणी करण्याची खरी ताकद राष्ट्रीय सेवा योजनेे सारख्या उपक्रमात आहे.म्हणूनच स्वातंत्र्यापासून ते आजपर्यंत आखलेल्या देशाच्या सर्व शैक्षिणक धोरणांमध्ये राष्ट्रीय सेवा योजना उपक्रमाचा समावेश अनिवार्य केलेला आहे. असे आपल्या मनोगतातून त्यांनी विचार व्यक्त केले.यावेळी महाविद्यालयाचे प्राचार्य मेजर डॉ.अशोक.व्ही.गिरी यांनी अध्यक्ष स्थानावरून बोलताना सांगितले की,विद्यार्थ्यांनी शिकत असताना आपल्या आई वडिलांच्या कष्टाची जाणीव ठेवावी तसेच आपण समाजाचा एक महत्त्वाचा घटक आहोत व समाजाप्रती आपल्या काही जबाबदाऱ्या असतात कर्तव्ये असतात या गोष्टीचे संस्कार विद्यार्थी दशेत जाणीवपूर्वक होणे आवश्यक आहे असे प्रतिपादन केले.यावेळी ठाणे येथील प्रश्न फाउंडेशनचे सातारा जिल्हा समन्वयक श्री.रजत नवले आणि महाविद्यालय विकास समिती सदस्य डॉ.प्रमोद घाटगे तसेच नवसंजीवन जलसंवर्धन सामाजिक संस्था आलेवाडीचे सदस्य श्री.नवनाथ बिरामणे आणि श्री.विठ्ठल पवार हे मान्यवर उपस्थित होते. कार्यक्रमाचे प्रास्ताविक व स्वागत एन.एस.एस. कार्यक्रम अधिकारी डॉ. संजय धोंडे यांनी केले. प्रा.प्रकाश जवळ यांनी पाहुण्यांचा परिचय करून दिला. डॉ. विनोद पवार यांनी उपस्थितांचे आभार मानले तसेच प्रा. सौ. धनश्री देशमुख आणि प्रा. शुभांगी पाटील यांनी सूत्रसंचालन केले.कार्यक्रम यशस्वी करण्यासाठी सर्व एन.एस.एस. समिती सदस्य,शिक्षकेतर कर्मचारी व विद्यार्थ्यांनी परिश्रम घेतले या कार्यक्रमासाठी मोठ्या संख्येने विद्यार्थी उपस्थित होते.

*आमदार शशिकांत शिंदे महाविद्यालयांमध्ये शिक्षक दिन कार्यक्रम संपन्न*

*आमदार शशिकांत शिंदे महाविद्यालयांमध्ये शिक्षक दिन कार्यक्रम संपन्न*

मेढा दि . ९ सप्टेंबर रोजी डॉ . सर्वपल्ली राधाकृष्णन यांच्या स्मरणार्थ विद्यार्थी - शिक्षक दिनाचे आयोजन करण्यात आले होते .दरवर्षीप्रमाणे पाच सप्टेंबर या दिनाचे औचित्य साधून कॉलेजचे प्राचार्य मेजर डॉ .अशोक गिरी सर यांच्या मार्गदर्शनाखाली कार्यक्रमाचे आयोजन करण्यात येते .या दिवशी मुले संपूर्ण एक दिवसीय वर्ग तासिका - कार्यभार, आपल्या शिक्षकांप्रमाणे सांभाळत असतात .प्रत्येक वर्गातील मुले व मुली योग्य वेश परिधान करून टाईम टेबल प्रमाणे वर्गामध्ये तास घेत असतात .या अनोख्या उपक्रमासाठी संपूर्ण शिक्षक वृंद त्यांना सहकार्य करत असतात . कार्यक्रमाचा समारोप विद्यार्थी -शिक्षक व शिक्षक यांच्या सत्कार समारंभाने झाला . यावेळी विद्यार्थी शिक्षकांनी मोठ्या संख्येने व उत्साहाने सहभाग घेतला होता . यावेळी त्यांना पेन देऊन त्यांचा व त्यांच्या मार्गदर्शक शिक्षकांचा सत्कार करण्यात आला . यावेळी महाविद्यालयाच्या राष्ट्रीय सेवा योजना विभागाचे कार्यक्रम अधिकारी प्रा डॉ संजय धोंडे यांनी प्रास्ताविक केले . अध्यक्षीय मनोगत व्यक्त करताना कार्यक्रमाचे अध्यक्ष मा . प्राचार्य मेजर डॉ अशोक गिरी यांनी उपस्थित सर्व शिक्षकांना मार्गदर्शन करताना शिक्षकाची ओळख कर्तव्य व विद्यार्थ्यांप्रती असणारे आपले प्रामाणिक कर्तव्य याची आठवण करून दिली . बदलत असलेल्या या आधुनिक सोशल मीडियाच्या जगात शिक्षकांच्या खांद्यावर मोठी जबाबदारी असून त्यांनी हे शिवधनुष्य यशस्वीरित्या पेलले जावे बदलत्या काळाप्रमाणे आपल्याला सुद्धा विविध आव्हानासाठी तयार असले पाहिजे व विविध कौशले प्राप्त करणे आवश्यक असल्याचे प्रतिपादन केले, यावेळी त्यांनी सर्व विद्यार्थ्यांना व सर्व शिक्षकांना त्यांच्या भावी आयुष्यासाठी शुभेच्छा दिल्या . कार्यक्रम यशस्वी करण्यासाठी एन एस एस विभाग प्रमुख डॉ संजय धोंडे, व डॉ विनोद पवार तर कनिष्ठ महाविद्यालयातील समन्वयक - प्रा. संतोष कदम सहा . समन्वयक प्रा. सौ.काळे एस एन . व सर्व सहकारी शिक्षक व शिक्षकेतर कर्मचारी यांनी विशेष परिश्रम घेतले . यावेळी उपस्थित सर्व शिक्षक व शिक्षकेतर कर्मचारी वर्ग यांचा यथोचित सन्मान करण्यात आला. या कार्यक्रमासाठी महाविद्यालय विकास समिती सदस्य प्रा डॉ प्रमोद घाटगे यांनी आवर्जून शुभेच्छा दिल्या.कार्यकमाचे सूत्रसंचालन कुमारी सानिका सुतार व साक्षी ढेबे यांनी केले तर आभार कुमारी तानिया सपकाळ यांनी मानले .

सकाळ