' *सावित्रीबाई फुले यांच्या कार्यातून प्रेरणा घ्यावी' - प्राचार्य मेजर डॉ. अशोक गिरी*

' *सावित्रीबाई फुले यांच्या कार्यातून प्रेरणा घ्यावी' - प्राचार्य मेजर डॉ. अशोक गिरी* 

आमदार शशिकांत शिंदे महाविद्यालय मेढा या महाविद्यालयात राष्ट्रीय सेवा योजना विभागामार्फत सावित्रीबाई फुले यांचा पुण्यदिन साजरी करण्यात आला. यावेळी महाविद्यालयाचे प्राचार्य मेजर डॉ.अशोक गिरी व उपप्राचार्य डॉ. प्रमोद घाटगे यांनी सावित्रीबाई फुले यांच्या प्रतिमेस पुष्पांजली अर्पण करून अभिवादन केले. यावेळी प्राचार्य मेजर डॉ. अशोक गिरी यांनी असे प्रतिपादन केले की, सावित्रीबाई फुले यांनी अत्यंत प्रतिकूल परिस्थितीत असलेल्या समाजाला नवीन दिशा देण्यासाठी महात्मा ज्योतिराव फुले यांच्या विचारांशी समरस होऊन त्या शिक्षित झाल्या. पहिली स्त्री शिक्षिका म्हणून आज त्या ओळखल्या जातात. शिक्षण घेतल्यानंतर समाज जागृत झाला पाहिजे यासाठी त्यांनी मुलींच्या शिक्षणाची सुरुवात केली. वेळप्रसंगी समाजाचा रोष पत्करला परंतु त्या आपल्या ध्येयापासून वंचित झाल्या नाहीत. त्यांनी शिक्षणाबरोबर सामाजिक जागृती करण्याचा देखील प्रयत्न केला. पुणे येथील भिडे वाड्यात सुरू केलेली पहिली मुलींची शाळा आज एक ऐतिहासिक दस्तऐवज म्हणून उभा आहे. हा वाडा देखील आपणाला प्रेरणा देतो. समाजातील स्त्रियांच्या प्रश्नांबाबत जागृत होऊन स्त्रियांचे संघटन करून सामाजिक जागृती निर्माण करण्याचा प्रयत्न केला. विधवा स्त्रियांवर होणाऱ्या अन्यायाला वाचा फोडण्यासाठी नाभिक समाजाचा पहिला संप घडवून आणला. त्यांनी आपल्या विचारांचा वारसा जतन व्हावा यासाठी अनेक कविता, ग्रंथ यांचे लिखाण करून समाजाला नवीन दिशा देण्याचा प्रयत्न केला. एक स्त्री शिकली तर संपूर्ण कुटुंब सुशिक्षित होते या तत्त्वांचा आदर्श त्यांनी समाजात घालून दिला. जावली तालुक्यात आमदार शशिकांत शिंदे साहेब यांनी देखील महाविद्यालयाची स्थापना करून समाज सुशिक्षित जागृत करण्याचे स्वप्न पाहिलेले आहे. या त्यांच्या विचारांचा वारसा घेऊन गेली वीस वर्ष महाविद्यालय  त्यासाठी निश्चितच प्रयत्नशील आहे. जावली तालुक्यातील स्त्रियांना प्रेरणा देण्यासाठी महाविद्यालय निश्चितच प्रयत्नशील राहील.

     या कार्यक्रमास महाविद्यालयाचे उपप्राचार्य डॉ. प्रमोद घाटगे सर्व शिक्षक - शिक्षकेतर कर्मचारी, विद्यार्थी- विद्यार्थिनी उपस्थित होते. कार्यक्रमाचे प्रास्ताविक राष्ट्रीय सेवा योजना कार्यक्रम अधिकारी डॉ. संजय भोसले यांनी केले, तर आभार कार्यक्रम अधिकारी डॉ.उदय पवार यांनी मांडले.

संघर्षातून स्वतःला सिद्ध करून समाजाप्रती आपली बांधिलकी जपणाऱ्या स्त्री शक्तीचा सन्मान करणे आपले कर्तव्य

संघर्षातून स्वतःला सिद्ध करून समाजाप्रती आपली बांधिलकी जपणाऱ्या स्त्री शक्तीचा सन्मान करणे आपले कर्तव्य!

प्राचार्य मेजर डॉ. अशोक व्ही. गिरी.

=====================

" जगभरात आठ मार्च या दिवशी महिलांच्या कार्याचा,त्यांच्या विचारांचा,त्यांच्या शक्तीचा ,आणि त्यांच्या अस्मितेचा एकूणच त्यांच्या अस्तित्वाचाच गौरव केला जातो.असे असताना आपले महाविद्यालय ज्या मातीवर उभे आहे त्याच जावळीच्या मातीत रुजून फुलून इतरांना फुलविण्याचा प्रयत्न करणाऱ्या नारीशक्तीचा सन्मान करणे महाविद्यालयाची सामाजिक बांधिलकी असून त्याच बांधिलकीला जपताना आज हा सत्कार समारंभ साजरा करत

आहोत याचा आम्हाला अभिमान आहे.संघर्षातून स्वतःला सिद्ध करून समाजाप्रती आपली बांधिलकी जपणाऱ्या स्त्री शक्तीचा सन्मान करणे आपले कर्तव्य!"

असे मत प्राचार्य मेजर डॉ. अशोक व्ही. गिरी यांनी व्यक्त केले.

जयवंत प्रतिष्ठान हुमगाव संचलित आमदार शशिकांत शिंदे महाविद्यालय मेढा येथे दिनांक ८ मार्च रोजी जागतिक महिला दिन व या कर्तृत्ववान महिलांचा सन्मान सोहळा या कार्यक्रमाचे आयोजन करण्यात आले होते.त्याप्रसंगी त्यांनी आपले मत व्यक्त करताना वरील विचार मांडले.

विचारमंचावर जावली तालुक्यातील विविध क्षेत्रात उल्लेखनीय कामगिरी करणाऱ्या दहा महिला उपस्थित होत्या.

    अध्यक्षीय मनोगत व्यक्त करत असताना मा. प्राचार्य मेजर डॉ.अशोक गिरी पुढे म्हणाले " आजच्या जगात महिलांनी स्वसंरक्षणासाठी कटिबद्ध असण्याची आवश्यकता आहे.इथून पुढील आयुष्यात विद्यार्थिनिंनी कठीणप्रसंग आल्यास घाबरून न जाता त्याला धैर्याने तोंड द्यावेआपले अध्यक्षीय मनोगत व्यक्त करताना महाविद्यालयाचे प्राचार्य मा.मेजर डॉ.अशोक गिरी यांनी जावलीसारख्या दुर्गम,ग्रामीण भागातील विविध क्षेत्रातील कर्तृत्ववान महिलांचा सन्मान जागतिक महिला दिनाच्या पार्श्वभूमीवर करण्यामागील संकल्पना स्पष्ट करून,

उपस्थित विद्यार्थिनींना कर्तृत्ववान महिलांच्या व्यक्तीमत्वातून भावी आयुष्यात समाजात काहीतरी सकारात्मक कार्य आपल्या हातून घडण्याची प्रेरणा मिळावी अशी अपेक्षा त्यांनी यावेळी व्यक्त केली.

    कार्यक्रमाच्या सुरुवातीस प्राचार्य, उपप्रचार्य व कर्तृत्ववान महिलांच्या हस्ते दिपप्रज्वलन करण्यात आले. त्यानंतर महाविद्यालयातील विध्यार्थी व विध्यार्थिनींनी स्त्री मुक्तीची गाणी गायली व कार्यक्रमास सुरुवात झाली. त्यानंतर जावली तालुक्यातील विविध क्षेत्रात अतिशय प्रतिकूल परिस्थितीत आपल्या कामाने ठसा उमटवणाऱ्या कर्तृत्ववान महिलांचा सन्मान सोहळा संपन्न झाला.यामध्ये मा.जयश्री शेलार (हिरकणी फौंडेशन ,सामाजिक क्षेत्र),मा.सुनिता पार्टे (सामाजिक क्षेत्र),मा.डॉ.ज्योती इंगळे (वैद्यकीय क्षेत्र),मा.राजश्री कदम (शैक्षणिक क्षेत्र),मा.मानसी संकपाळ (शासकीय क्षेत्र),मा.दिपाली गिरी (व्यावसायिक क्षेत्र),मा.विधिज्ञ.आरती शेटे (विधीसेवा क्षेत्र),मा.विधिज्ञ.पूनम कुंभार (सांस्कृतिक क्षेत्र),मा.सुकन्या जुनघरे (व्यावसायिक क्षेत्र),मा.माधवी चिकणे (शासकीय क्षेत्र),मा. सीमा पवार (आदर्श माता)या कर्तृत्ववान महिलांचा सन्मान यावेळी करण्यात आला.

सत्काराला उत्तर देत असताना उपस्थित सत्कारमूर्ती कर्तृत्ववान महिलांनी आपला शून्यातून विश्व उभारण्याचा खडतर जीवनप्रवास,

त्यांची संघर्षाची वाटचाल उपस्थितांच्या समोर मांडली.अतिशय हृद्य असे मनोगत यावेळी प्रत्येकीने व्यक्त केले.

याच कार्यक्रमाचे औचित्य साधून सकाळच्या सत्रात,विद्यार्थीनिंसाठी स्वसंरक्षण प्रशिक्षण शिबिराचे आयोजन करण्यात आले होते.

या शिबिरासाठी प्रशिक्षक म्हणून मा.श्री.अविनाश गोंधळी ,अध्यक्ष रेनबुकान कराटे दो असोसिएशन ,महाराष्ट्र हे उपस्थित होते.त्यांनी विध्यार्थिनींना कराटेचे प्रशिक्षण दिले.

      कार्यक्रमाचे प्रास्ताविक आणि प्रा.गायत्री जाधव यांनी केले.या कार्यक्रमासाठी महाविद्यालयातील विद्यार्थिनी व प्राध्यापकवर्ग मोठ्या संख्येने उपस्थित होता.शेवटी प्रा.धनश्री देशमुख यांनी उपस्थितांचे आभार मानले.

आमदार शशिकांत शिंदे महाविद्यालय मेढा येथे ,राज्यस्तरीय काव्यवाचन स्पर्धेनेमराठी भाषा गौरव दिन साजरा

आमदार शशिकांत शिंदे महाविद्यालय मेढा येथे ,

राज्यस्तरीय काव्यवाचन स्पर्धेने

1मराठी भाषा गौरव दिन साजरा

========≠========

जयवंत प्रतिष्ठान हुमगाव संचलित, आमदार शशिकांत शिंदे महाविद्यालयातील मराठी विभाग,ग्रंथालय व ज्ञानस्रोत केंद्र यांच्या संयुक्त विद्यमाने,

दिनांक 27 फेब्रुवारी रोजी,कवी कुसुमाग्रज जन्मदिन व मराठीभाषा गौरव

दिनानिमित्त,राज्यस्तरीय महाविद्यालयीन स्तरावरील विध्यार्थ्यांच्या ऑनलाईन स्वरचित काव्यवाचन स्पर्धा आयोजित करून, मराठी भाषा गौरव दिन साजरा करण्यात आला.यावेळी स्पर्धेचे अध्यक्ष म्हणून प्राचार्य डॉ.अशोक व्ही.गिरी होते.तर उपप्रचार्य डॉ.प्रमोद घाटगे यावेळी उपस्थित होते.

उदघाटनानंतर या दोन्ही मान्यवरांनी, स्पर्धकांना शुभेच्छा दिल्या.यावेळी प्राचार्य मेजर डॉ.अशोक गिरी सर म्हणाले " भारतात साजऱ्या केल्या जाणार्‍या विविध विशेष दिवसां पैकी एक महत्त्वाचा दिवस म्हणजे प्रसिद्ध मराठी लेखक - कुसुमाग्रज यांची जयंती. दरवर्षी 27 फेब्रुवारी रोजी महाराष्ट्र, भारत आणि जगभरात “मराठी राजभाषा दिन” किंवा “मराठी भाषा गौरव दिन ” म्हणून साजरा केला जातो. मराठी भाषेच्या जडण घडणीत या महान व्यक्तीमत्वाचा मोठा हातभार होता. आपल्या हयातीत त्यांनी विविध कविता, कथा, नाटके, कादंबरी,निबंध आणि बरेच काही साहित्य लिहिले. त्यांच्या या उत्कृष्ट लेखनाचा उचित गौरव व्हावा म्हणूनच आजचा हा दिवस आपण सर्वत्र साजरा करतो. "

असे या मराठी भाषा गौरव दिनाचे महत्व सांगून ते पुढे म्हणाले "तसे पहिले तर आपल्या मराठी भाषेला शेकडो वर्षांची परंपरा लाभली आहे.संत ज्ञानदेव महाराजांपासून संत तुकाराम महाराज यांच्या पर्यंतच्या,सर्वच संतानी आपल्या अभंग रचना मराठी भाषेतच रचल्या.तर 

छत्रपती शिवरायांनी देखील मराठीभाषेला

महत्व देवून,स्वराज्याची राजभाषा म्हणून

वापरली.महात्मा फुले,श्री.म.माटे,वि.स. खांडेकर,शांता

शेळके,पु.ल.देशपांडे,

नारायण सुर्वे, कुसुमाग्रज,वसंत बापट व इतर सहित्यिकांनी मराठी भाषेत समृद्ध साहित्य लिहिले.आपणही आपल्या या मातृभाषेचा मान,शान व अभिमान बाळगला पाहिजे."

असे सांगून स्पर्धकांना शुभेच्छा दिल्या.

त्यानंतर उपप्रचार्य डॉ.प्रमोद घाडगे यांनीही मराठी विभाग व ग्रंथालय विभागाची स्तुती करून,स्पर्धकांना हार्दिक शुभेच्छा दिल्या.

ही स्पर्धा ऑनलाईन पद्धतीने घेतली गेली.यामध्ये राज्यातील 37 स्पर्धकांनी मोठ्या प्रमाणात सहभाग नोंदवून,22विद्यार्थी स्पर्धकांनी आपल्या विविध विषयांवरील स्वरचित कविता सादर केल्या.विद्यार्थी

स्पर्धा झाल्यानंतर,काव्यवाचन स्पर्धेचे परीक्षक प्रा.डॉ.प्रदीप शिंदे आणि पत्रकार व साहित्यिक रोहित आवळे यांनी याप्रसंगी आपापल्या कविता सादर करून सर्व उपस्थितांना मार्गदर्शन केले.सदर काव्यवाचन स्पर्धेत,

*विशाल चौगुले,( कोतोली - पन्हाळा - प्रथम क्रमांक )

*अजय भोईर ( पेण - रायगड ) व कु. कोमल म्हांगडे ( सातारा) विभागून - द्वितीय क्रमांक )

*कु. दिपाली बाचल ( कराड - तृतीय क्रमांक

* कु. साक्षी तिवाटणे ( फलटण ) व कु. अनिता बर्गे ( सातारा ) उत्तेजनार्थ असे क्रमांक प्राप्त केले.बक्षीसाचे स्वरूप असे

प्रथम - 2000/- रुपये, द्वितीय - 1500/-

तृतीय - 1000/- व उत्तेजनार्थ प्रत्येकी 750/- रोख, चषक,प्रमाणपत्र असे ठेवण्यात आले होते.

सदर स्पर्धेसाठी बँक ऑफ महाराष्ट्र,मेढाचे शाखाधिकारी अविनाश सुतार तसेच समाजसेवक संजय जुनघरे,सरपंच राजू खुडे व लक्ष्मण जाधव या व्यवसायिकांनी हा कार्यक्रम पार पडण्यासाठी प्रायोजक म्हणून जबाबदारी स्वीकारली.

स्पर्धेचे समन्वयक व मराठी विभाग प्रमुख प्रा.आनंद साठे यांनी प्रास्ताविक आणि सूत्रसंचालन केले.

प्रा.डॉ.नगरकर, प्रा.डॉ.ओमकार यादव,प्रा.पी.डी.पाटील यांनी तांत्रिक बाजू सांभाळली.या ऑनलाईन स्पर्धेत काव्यरसिक व महाविद्यालयाचे सर्व प्राध्यापक, कर्मचारी व विद्यार्थी बहुसंख्येने उपस्थित होते.शेवटी सहसमन्वयक व ग्रंथपाल प्रा.डॉ.एस.आर. नगरकर यांनी आभार मानले.

https://youtu.be/Mivtwzj_nHY Subscribe this Channel 👍

https://youtu.be/Mivtwzj_nHY Subscribe this Channel 👍https://youtu.be/Mivtwzj_nHY

Subscribe this Channel 👍

आमदार शशिकांत शिंदे, महाविद्यालय मेढा, येथेआंतरराष्ट्रीय मातृभाषादिनसंपन्न.

आमदार शशिकांत शिंदे, महाविद्यालय मेढा, येथे

आंतरराष्ट्रीय मातृभाषादिन

संपन्न.

----------------

मेढा

दिनांक 21 फेब्रुवारी 2023 रोजी आमदार शशिकांत शिंदे महाविद्यालय मेढा,येथे ग्रंथालय ज्ञान स्त्रोत केंद्र व मराठी विभाग यांच्या वतीने आंतरराष्ट्रीय मातृभाषादिन विविध उपक्रमांनी साजरा करण्यात आला.या दिनाचे औचित्य साधून,ग्रंथालयातील अभ्यासिकेत,कनिष्ठ व वरिष्ठ विभागातील विद्यार्थ्यांसाठी पुस्तक वाचन व पुस्तक परीक्षण स्पर्धा घेण्यात आली.या स्पर्धेसाठी एकूण 21 स्पर्धकांनी सहभाग घेतला.सुरुवातीस त्यांनी त्यांना आवडतील त्या पुस्तकांची निवड केली.त्यामध्ये कविता संग्रह,कथासंग्रह,

लेखसंग्रह व इतर पुस्तकांचा समावेश करण्यात आला होता.

आर्धा तास वाचन व नंतर आर्धा तास परीक्षण लेखन करण्याची संधी या सर्व स्पर्धक विध्यार्थ्यांना देण्यात आली.

समारोप प्रसंगी महाविद्यालयाचे प्राचार्य मेजर डॉ.अशोक व्ही.गिरी व उपप्रचार्य डॉ.प्रमोद घाटगे उपस्थित होते.यावेळी सहभागी विध्यार्थ्यांना मार्गदर्शन करताना महाविद्यालयाचे प्राचार्य मेजर डॉक्टर अशोक गिरी यांनी अनमोल मार्गदर्शन केले.त्याप्रसंगी ते म्हणाले, " मनुष्य कितीही सर्वोच्च पदावर पोहचला तर आपल्या नात्यांना,

मातीला व मातृभाषेला कधीच विसरू शकत नाही.कारण तो जेंव्हा बोलायला सुरुवात करतो तेंव्हा आपल्या मातेने शिकवलेल्या मातृभाषेतच बोलायला सुरुवात करतो. त्यामुळे आपल्या प्रत्येकाच्या आयुष्यात मातृभाषेला अनन्यसाधारण महत्व दिले पाहिजे.जगभर आज हा दिन साजरा केला जात आहे. आणि तुम्ही सर्वांनी आपल्या मराठी भाषेतील विविध पुस्तकांचे वाचन करून,त्याचे परीक्षण केलेत.ही बाब उल्लेखनीय आहे. " असे सांगून त्यांनी 

आपण सर्वांनी आपली मातृभाषा जपली पाहिजे. तिचे संरक्षण करून, मराठी भाषेचा विकास साधला पाहिजे असे आवाहन केले व मातृभाषादिनाच्या शुभेच्छा दिल्या.

 कार्यक्रमाच्या सुरुवातीस मराठी विभाग प्रमुख प्रा. आनंद साठे यांनी प्रास्ताविक व सूत्रसंचालन केले.शेवटी ग्रंथपाल डॉ. सुधीर नगरकर यांनी उपस्थितांचे आभार मानले.

आमदार शशिकांत शिंदे महाविद्यालय मेढाचे चार विद्यार्थी सैन्यात भरती....==============मेढा : दिनांक 8 फेब्रुवारी 23कोल्हापूर येथे नुकत्याच झालेल्या सैन्य भरतीत,येथील जयवंत प्रतिष्ठान हुमगाव संचलित,आमदार शशिकांत शिंदेमहाविद्यालयातील विविध वर्ग व शाखेतील चार विध्यार्थी एकाच दिवशी भरती होवून आपले गाव,तालुका व महाविद्यालयाचे नावलौकिकात भर घातली.त्यांच्या या सैन्य भरतीतील उज्वल यशाने त्यांचे सर्वत्र कौतुक व अभिनंदन होत आहे. या सैन्य भरतीत भरती झालेले विद्यार्थी पुढीलप्रमाणे आहेत.दर्शन राजेंद्र जाधव, बी.ए.भाग तीन, (जी.डी.आर्मी )आशुतोष राजेंद्र गावडे बी.एस. सी.भाग तीन (जी.डी.आर्मी )ऋषिकेश राकेश जाधव बी.ए. भाग.दोन ( टेक्निकल आर्मी )इंगळे दीपक संदीप बी.एस.सी भाग.तीन ( टेक्निकल आर्मी )या विविध विभागात भरती झाले.या त्यांच्या यशा मागे त्यांची अपार मेहनत,बुद्धिमत्ता आई वडील व महाविद्यालयाचा सिंहाचा वाटा आहे अशी प्रतिक्रिया या चारही विध्यार्थ्यांनी दिली.त्यांच्या या यशस्वी कामगिरीबद्दल संस्थेचे अध्यक्ष माननीय आमदार शशिकांत शिंदे साहेब,सचिव सौ. वैशाली शिंदे,संस्थेचे सर्व विश्वस्त,महाविद्यालयाचे प्राचार्य मेजर डॉ.अशोक व्ही गिरी,उपप्रचार्य डॉ.प्रमोद घाटगे,सर्व शिक्षक,शिक्षकेतर कर्मचारी व विध्यार्थ्यांनी या चारही विद्यार्थ्यांचे अभिनंदन केले.

आमदार शशिकांत शिंदे महाविद्यालय मेढाचे चार विद्यार्थी सैन्यात भरती....

==============

मेढा : दिनांक 8 फेब्रुवारी 23

कोल्हापूर येथे नुकत्याच झालेल्या सैन्य भरतीत,येथील जयवंत प्रतिष्ठान हुमगाव संचलित,आमदार शशिकांत शिंदे

महाविद्यालयातील विविध वर्ग व शाखेतील चार विध्यार्थी एकाच दिवशी भरती होवून आपले गाव,तालुका व महाविद्यालयाचे नावलौकिकात भर घातली.त्यांच्या या सैन्य भरतीतील उज्वल यशाने त्यांचे सर्वत्र कौतुक व अभिनंदन होत आहे. या सैन्य भरतीत भरती झालेले विद्यार्थी पुढीलप्रमाणे आहेत.

दर्शन राजेंद्र जाधव, बी.ए.भाग तीन, (जी.डी.आर्मी )

आशुतोष राजेंद्र गावडे बी.एस. सी.भाग तीन (जी.डी.आर्मी )

ऋषिकेश राकेश जाधव बी.ए. भाग.दोन ( टेक्निकल आर्मी )

इंगळे दीपक संदीप बी.एस.सी भाग.तीन ( टेक्निकल आर्मी )

या विविध विभागात भरती झाले.या त्यांच्या यशा मागे त्यांची अपार मेहनत,बुद्धिमत्ता आई वडील व महाविद्यालयाचा सिंहाचा वाटा आहे अशी प्रतिक्रिया या चारही विध्यार्थ्यांनी दिली.त्यांच्या या यशस्वी कामगिरीबद्दल संस्थेचे अध्यक्ष माननीय आमदार शशिकांत शिंदे साहेब,सचिव सौ. वैशाली शिंदे,संस्थेचे सर्व विश्वस्त,महाविद्यालयाचे प्राचार्य मेजर डॉ.अशोक व्ही गिरी,उपप्रचार्य डॉ.प्रमोद घाटगे,सर्व शिक्षक,शिक्षकेतर कर्मचारी व विध्यार्थ्यांनी या चारही विद्यार्थ्यांचे अभिनंदन केले.