राष्ट्रीय ग्राहक दिन २४ Dec २०२१
जयवंत प्रतिष्ठान संचलित आमदार शशिकांत शिंदे महाविद्यालय मेढा येथे दिनांक 24 डिसेंबर रोजी राष्ट्रीय ग्राहक दिनाच्या निमित्ताने अर्थशास्त्र आणि राज्यशास्त्र विभागाच्या संयुक्त विद्यमाने मार्गदर्शनपर कार्यक्रमाचे आयोजन करण्यात आले.
या कार्यक्रमासाठी प्रमुख मार्गदर्शक म्हणून सातारा जिल्हा ग्राहक पंचायतच्या अध्यक्षा मा. सौ. सुनीता राजेघाटगे या उपस्थित होत्या तर कार्यक्रमाचे प्रमुख पाहुणे म्हणून मा. श्री रंगराव जाधव, जिल्हा माहिती प्रमुख, ग्राहक पंचायत, महाराष्ट्र राज्य हे उपस्थित होते
कार्यक्रमाच्या अध्यक्षस्थानी महाविद्यालयाचे प्राचार्य डॉ प्रमोद घाटगे होते.
या कार्यक्रमामध्ये सुरुवातीला महाविद्यालयातील विद्यार्थ्यांनी तयार केलेल्या भित्तिपत्रकांच्या प्रदर्शनाचे उद्घाटन मा. सौ. सुनीता राजेघाटगे यांच्या हस्ते करण्यात आले. 'ग्राहक अधिकार', 'राष्ट्रीय ग्राहक दिन' या विषयांवर आधारित अतीशय उत्तम रीतीने विद्यार्थ्यांनी तयार केलेल्या भित्तिपत्रकाचे कौतुक प्रमुख पाहुण्यांनी केले.
यानंतर विद्यार्थ्यांना मार्गदर्शन करत असताना सौ सुनीता राजे घाटगे यांनी भारतातील तसेच जागतिक ग्राहक हक्क चळवळीची वाटचाल आणि ग्राहक संरक्षण कायदा याबाबत माहिती दिली तसेच ग्राहकांचे मूलभूत अधिकार विद्यार्थ्यांना सांगितले
यानंतर प्रमुख पाहुणे मा. श्री रंगराव जाधव यांनी विद्यार्थ्यांना ग्राहक म्हणून नेहमीच जागरूक राहण्याचे आवाहन केले. त्यांनी वजन, माप यातील फसवणूक ओळखण्याच्या तसेच अन्न भेसळ ओळखण्याच्या सोप्या क्लृप्त्या सांगितल्या. तसेच त्यांनी ग्राहकांनी फसवणुकीच्या विरोधात दाद मागण्याच्या अधिकाराबाबत माहिती दिली
यानंतर महाविद्यालयाचे प्राचार्य डॉ प्रमोद घाटगे यांनी आपल्या अधिकाराबाबत ग्राहकांनी सजग राहण्याची आवश्यकता नमूद केली तसेच विद्यार्थ्यांनी ग्राहक संरक्षणासाठी समाजात पुढे येऊन काम करण्याची अपेक्षा व्यक्त केली.
कार्यक्रमाचे प्रास्ताविक प्रा. डॉ संजय धोंडे यांनी केले तर आभार प्रा. गायत्री जाधव यांनी मानले
कार्यक्रमाला प्राध्यापक, विद्यार्थी विद्यार्थिनी मोठ्या उपस्थित होते.
Comments
Post a Comment