*आमदार शशिकांत शिंदे महाविद्यालयास आंतरराष्ट्रीय मानकीकरण संघटना ( ISO) चे 9001-2015 जागतीक मानांकन प्राप्त*=

*आमदार शशिकांत शिंदे महाविद्यालयास   आंतरराष्ट्रीय मानकीकरण संघटना ( ISO) चे 9001-2015 जागतीक मानांकन प्राप्त*

================

दिनांक 26 जानेवारी :

जयवंत प्रतिष्ठान हुमगाव संचलित,आमदार शशिकांत शिंदे महाविद्यालयास, इंटरनॅशनल स्टँडर्ड ऑर्गनायझेशन तथा    आंतरराष्ट्रीय मानकीकरण संघटना,या संस्थेकडून आय.एस.ओ.9001-2015 जागतीक मानांकन आज प्राप्त झाले आहे.त्यामुळे आमदार शशिकांत शिंदे महाविद्यालय मेढा,हे सातारा जिल्ह्यातील ग्रामीण भागातील आंतरराष्ट्रीय मानकीकरण संघटनेने प्रमाणित केलेले पहिले महाविद्यालय  ठरले आहे.

आज दिनांक 26 जानेवारी रोजी भारतीय प्रजासत्ताक

दिनाच्या मंगल प्रसंगी या महाविद्यालयास 

"आय. एस.ओ.9001-2015" प्रमाणपत्र वितरण समारंभ पार पडला.यावेळी पुणे येथील आय एस.ओ .संस्थेचे सल्लागार श्री. अनिल येवले यांच्या हस्ते महाविद्यालयाला  आय.एस.ओ.नामांकन प्रमाणपत्र देऊन सन्मानीत करण्यात आले.

     कार्यक्रमाच्या अध्यक्षस्थानी प्राचार्य मेजर डॉ.अशोक व्ही.गिरी होते.तर विचारपीठावर उपप्रचार्य डॉ. प्रमोद घाटगे, आय.एस.ओ चे लेखाधिकारी माननीय संदिप कोठुळे उपस्थित होते.याप्रसंगी बोलताना महाविद्यालयाचे प्राचार्य मेजर डॉ.अशोक व्ही.गिरी म्हणाले की, " आमदार शशिकांत शिंदे साहेब यांनी जावली तालुक्यातील सर्वसामान्य जनतेचे हित लक्षात घेऊन या महाविद्यालयाची उभारणी केली आहे.तर उपप्रचार्य डॉ. प्रमोद घाटगे व आपण सर्व शिक्षक व शिक्षकेतर कर्मचारी यांनी अथक परिश्रम घेऊन,या  महाविद्यालयाचा अल्पावधीतच शिवाजी विद्यापीठाच्या कार्यक्षेत्रात,गुणवत्तापूर्ण शिक्षण देण्यात आपला ठसा उमटवला आहे.

ग्रामीण भागातील विद्यार्थ्यांना गुणवत्तापूर्ण शिक्षण

देण्याबरोबरच दर्जेदार शैक्षणिक सुविधा देण्यासाठी महाविद्यालय सातत्याने पाठपुरावा करत आहे ही अभिमानाची बाब आहे.आगामी काळात महाविद्यालयात विद्यार्थ्यांना विविध प्रकारचे कौशल्य आत्मसात करणारे कोर्सेस उपलब्ध करून देण्यात येणार आहेत.आपण सर्वांनी या महाविद्यालयाच्या सर्वांगीण विकासाचा पाया रोवला आहे. इथून पुढेही हे ज्ञानदानाबरोबर विध्यार्थी हा घटक केंद्रिभूत मानून,महाविद्यालय व संस्थेचा नवलौकिक वृद्धिंगत करावा "

अशी अपेक्षा व्यक्त केली.

कार्यक्रमाच्या सुरुवातीस डॉ.संजय धोंडे यांनी कार्यक्रमाचे प्रास्ताविक केले.तर आय. एस. ओ.समितीचे समन्वयक प्रा.डॉ.विनोद पवार यांनी उपस्थित मान्यवरांचे स्वागत केले.यावेळी या कार्यक्रमास सर्व शिक्षक,शिक्षकेतर कर्मचारी व विध्यार्थी उपस्थित होते.शेवटी प्रा.शंकर गेजगे यांनी उपस्थितांचे आभार मानले.

आमदार शशिकांत शिंदे महाविद्यालयात प्रजासत्ताक दिन उत्साही वातावरणात संपन्न

आमदार शशिकांत शिंदे महाविद्यालयात प्रजासत्ताक दिन उत्साही वातावरणात संपन्न

=================

 जयवंत प्रतिष्ठान हुमगाव संचलित,आमदार शशिकांत

शिंदे महाविद्यालय मेढा येथे, भारताचा 74 व्या प्रजासत्ताक दिन उत्साही व आनंदी वातावरणात संपन्न झाला.

महाविद्यालयाचे प्राचार्य मेजर डॉ.अशोक व्ही.गिरी यांच्या शुभहस्ते ध्वजारोहन करण्यात आले.याप्रसंगी उपप्रचार्य डॉ. प्रमोद घाटगे व उद्योजक मा. संजय जुनघरे उपस्थित होते.

ध्वजारोहण,राष्ट्रगीत,ध्वजगीत व  ध्वजवदंन झाल्यानंतर प्राचार्य डॉ.अशोक गिरी यांनी आपले शुभेच्छापर मनोगत व्यक्त केले. त्यावेळी ते म्हणाले की,

 " विविधतेने नटलेल्या आपल्या देशातील नागरिकांना,भारतीय संविधानाचे शिल्पकार डॉ. बाबासाहेब आंबेडकर यांनी घटना लिहून 26 नोव्हेंबर 1949 रोजी देशास अर्पण केली व आजच्या दिनी म्हणजे 26 जानेवारी 1950 रोजी,या राज्यघटनेनुसार देशाचा कारभार सुरु झाला. तो दिन म्हणजे हा प्रजासत्ताक दिन आज आपण साजरा करत आहोत. संविधानाने आपल्याला समान हक्क दिले आहेत.

आपल्या लाभलेले हक्क व कर्तव्यांचा वापर देशहितासाठी करून शांतता,समता व बंधुता ही मूल्ये जोपासावी व आपल्या हक्कांचा वापर करत असतांना देशाप्रती असलेल्या आपल्या कर्तव्यांची जाणीव ठेवावी " असा मौलिक संदेश दिला.

त्याचबरोबर महाविद्यालयाच्या मागील कारकिर्दीचा आढावा घेताना ते पुढे म्हणाले,

" संस्थेचे अध्यक्ष माननीय आमदार शशिकांतजी शिंदे साहेब यांच्या दूरदृष्टी व कार्यकुशलतेमुळे विस वर्षांपूर्वी हे महाविद्यालय स्थापन झाले. आपल्या जावळी तालुक्यातील दुर्गम व डोंगराळ भागातील शेतकरी,शेतमजूर व माथाडी कामगार यांच्या मुला - मुलींच्या शिक्षणाची सोय व्हावी म्हणून हा निर्णय घेतला आणि आपल्या सर्वांच्या अथक प्रयत्नाने आज त्यास मूर्त स्वरूप प्राप्त झाले आहे.इथून पुढेही  यशाची ही चढती कमान अशीच सुरु ठेवून,आपण सर्वांनीच आमदार साहेबांच्या स्वप्न व ध्येयपूर्तीसाठी आपण सर्वांनी शैक्षणिक, क्रीडा व कला क्षेत्रात यश संपादन करून आपल्या महाविद्यालाचा नावलौकिक वाढवावा " असे आवाहन करून त्यांनी प्रजासत्ताकदिनाच्या सर्वांना शुभेच्छा दिल्या.

यावेळी राष्ट्रध्वजास  सर्व उपस्थितांनी मानवंदना दिली. तसेच विध्यार्थीनी विविध देशभक्तीपर गीते सादर केली. सदर कार्यक्रमाचे सूत्रसंचालन जिमखाना विभाग प्रमुख प्रा.प्रमोद चव्हाण यांनी केले.यावेळी अठरा वर्षे पूर्ण झालेल्या विध्यार्थ्यांकडून मतदार जागृतीची प्रतिज्ञा वदवून घेण्यात आली.प्रा.गायत्री जाधव यांनी प्रतिज्ञा वाचन केले.

याच कार्यक्रमाचे औचित्य साधून महाविद्यालयाचे कॉमर्स विभाग प्रमुख प्रा.अमेय देसाई यांनी,त्यांच्या आई कै.प्रा.शकुंतला आत्माराम देसाई यांच्या स्मृतिप्रित्यर्थ महाविद्यालयातील पन्नास हुशार व गरीब विध्यार्थी-विध्यार्थिनींना दरवर्षी मोफत एस. टी.पास.शिष्यवृत्ती घोषित केली व प्रतिनिधिक स्वरूपात,

कु.प्रिया गोळे व कु. अक्षदा जाधव या दोन विध्यार्थिनींना,

प्राचार्य मेजर डॉ.अशोक गिरी सर यांच्या हस्ते धनादेश देण्यात आले.

या कार्यक्रमास महाविद्यालयाचे सर्व शिक्षक, शिक्षकेतर कर्मचारी विद्यार्थी व पालक मोठ्या संख्येने उपस्थित होते.शेवटी एन. एस. एस. प्रमुख प्रा.डॉ.संजय भोसले यांनी आभार मानले.अशा प्रकारे हा प्रजासत्ताकदिन उत्साहात संपन्न झाला.

जगातील सात आश्चर्य

जगातील सात आश्चर्य

https://youtu.be/pQPJYUPpTJU

कुस्तीचे जग जिंकू पाहणारा हमालाचा पोरगा 'सिकंदर'

कुस्तीचे जग जिंकू पाहणारा हमालाचा पोरगा 'सिकंदर'

घरात असणाऱ्या अठराविश्‍वे दारिद्रातून कुस्तीतला प्रवास करत एका हमालाचा पोरगा अखंड कुस्तीशौकीनांच्या गळ्यातील ताईत बनला आहे. दुनियेचे ओझे पाठीवर वाहणाऱ्या आपल्या बापाच्या कष्टाचे ऋण या यशाने फेडणाऱ्या मल्लाचे नाव म्हणजे सिकंदर शेख. सध्या महाराष्ट्र केसरी कुस्ती स्पर्धा पुण्यात रंगतेय. या स्पर्धेत धडाकेबाज कामगिरी करत सिंकदरने सर्वांची मने जिंकली आहेत. महाराष्ट्रसह देशातील प्रत्येक प्रतिस्पर्धी मल्लांला त्याने आस्मान दाखवत देशातील आघाडीचा मल्ल तो बनला आहे.

हमाली करून वडीलांनी पुरवला खुराक... 

सिकंदर मुळचा सोलापूर जिल्ह्यातील मोहोळचा. घरात आजोबापासूंनचा कुस्तीचा वारसा. पण या वारशावर दारिद्राची गडद छाया कायमची. घरात वडील रशिद शेख पैलवानकी करायचे. निमगावच्या मगरांच्या तालमीत सरावाला असताना तालीमीची स्वच्छता करायची आणि त्या बदल्यात तालमीतील मल्ल जो खुराक देतील, तो खायचा आणि सराव करायचा. असं सुरू असतानाच वडीलांची प्रकृती खालावली म्हणून रशीद घरी परतले आणि लग्नगाठ बांधली गेली. संसाराचा गाडा हाकत असतानाच दोन वेळच्या खाण्याचीही भ्रांत कायमचीच झाली. मात्र तेंव्हाही कुस्ती सोबतीला होती. पुन्हा कुस्ती लढायला त्यांनी सुरवात केली.

हमालीने थकलेलं शरीर सावरत आखाड्यात उतरले वडील...

कुस्तीत जिंकलेल्या इनामावर जगणं सुरू होते. त्यात संसारवेलीवर हुसेन आणि सिंकदर ही दोन फुले उमलली आणि मिळणाऱ्या बक्षीसांच्या रकमेवर चार जणांचे पोट भागेनासे झाले. त्यात त्यांनी स्थानिक मार्केट यार्डात हमालीचा पर्याय निवडला. दिवसभर हमाली करायचे, घाम गाळायचा पण कुस्तीची नशा त्यांना स्वस्थ बसू देत नव्हती. आपल्या लहानग्या मुलांना घेऊन आखाड्यात जाऊ लागले. हमालीने थकलेलं शरीर सावरत आखाड्यात उतरून मुलांना कुस्तीचे धडे देऊ लागले. सोबतीला वस्ताद चंदु काळेंचे मार्गदर्शनही मिळत होते. 

भावाने वडिलांच्या हमालीचे ओझे घेतले पाठीवर...

सिकंदर अलीकडे चांगल्या कुस्त्या मारू लागला होता. चार पैसेही घरात येऊ लागले. त्यात सिंकदरच्या वडीलांना आजाराने गाठले आणि त्यांची हमाली थांबली. खुराकाला लागणाऱ्या पैशांची चणचण जाणवू लागली. हा प्रसंग येताच मोठा भाऊ हुसेनने आपली कुस्ती थांबवत वडीलाच्या हमालीचे ओझे आपल्या खांद्यावर घेतले. सिंकदर वडीलांचे स्वप्न उराशी बाळगुन कोल्हापूरच्या गंगावेश तालमीत कुस्तीचे धडे गिरवू लागला. वस्ताद विश्‍वास हारूगले यांच्या मार्गदर्शनात तो एकेक डावपेच शिकु लागला. गावाकडून भावासोबत रमेश बारसकर, बाळू चौवरे यांच्याकडून आर्थिक पाठबळ मिळत होते. यातूनच सिंकदरने राष्ट्रीय कुस्ती स्पर्धा, विद्यापीठस्तरीय स्पर्धा गाजवल्या. वयाच्या पंचवीसाव्या वर्षी अनेक अनुभवी मल्लांना चितपट करण्याची किमया सिकंदरने साधली. आपल्या आक्रमक खेळीच्या जोरावर कमी वयात सिंकदर आता महाराष्ट्राच्या नव्हे तर देशाच्या कुस्ती पटावर चमकत आहे. 

वडिलांचे स्वप्न पुर्ण....

आपल्या वडीलांच्या, भावाच्या पाठीवर असलेले हमालीचे ओझे कमी व्हावे, घरातले दारिद्र हटावे यासाठी रक्ताचे पाणी करणारा सिकंदर अलीकडेच भारतीय लष्करात भरती झाला आहे. सैन्यदलाकडून खेळत तो अनेक मैदाने जिंकत आहे. आपला मुलगा मोठा मल्ल बनावा ही वडीलांची इच्छा त्याने पुर्ण केली आहे.

सिकंदर बक्षिसांनी बनला श्रीमंत....

आता पर्यंत देशभरात कुस्त्या लढून सिंकदरने बक्षिसांची लयलूट केली आहे. यामध्ये एक महिन्द्रा थार चारचाकी, एक जॉन डिअर ट्रक्टर, चार अल्टो कार, चोवीस बुलेट, सहा टिव्हीएस, सहा सप्लेंडर तर तब्बल चाळीस चांदी गदा त्याने आपल्या नावावर केल्या आहेत.

✍️ पै.मतीन शेख 

    #कुस्ती

*स्वामी विवेकानंद व राजमाता जिजाऊ यांच्या प्रेरणास्त्रोतातून युवकांनी ध्येयप्राप्ती करावी: प्राचार्य मेजर डॉ. अशोक व्ही. गिरी*

*स्वामी विवेकानंद व राजमाता जिजाऊ यांच्या प्रेरणास्त्रोतातून युवकांनी ध्येयप्राप्ती करावी: प्राचार्य मेजर डॉ. अशोक व्ही. गिरी*

आमदार शशिकांत शिंदे महाविद्यालय मेढा या महाविद्यालयात राष्ट्रीय सेवा योजना, इतिहास विभाग व आदर्श पॅरामेडिकल इन्स्टिट्यूट, सातारा यांच्या संयुक्त विद्यमाने राजमाता जिजाऊ व स्वामी विवेकानंद जयंती निमित्त विशेष व्याख्यान व रक्तगट तपासणी शिबिराचे आयोजन करण्यात आले होते. या कार्यक्रमाची सुरुवात राजमाता जिजाऊ व स्वामी विवेकानंद यांच्या प्रतिमेस अभिवादन करून करण्यात आली. या कार्यक्रमास प्रमुख मार्गदर्शक डॉ. संग्राम शिंदे हे होते त्यांनी असे प्रतिपादन केले की, स्वामी विवेकानंद यांची जयंती युवा दिन म्हणून साजरी केली जाते. स्वामी विवेकानंद यांचे मूळ नाव नरेंद्र हे आहे. त्यांनी रामकृष्ण परमहंस यांचे शिष्यत्व स्वीकारल्यानंतर स्वामी विवेकानंद हे नाव धारण केले. लहानपणापासूनच त्यांनी व्यायाम खेळ अशा विविध उपक्रमात सहभाग घेतला होता. सामाजिक आणि धार्मिक बाबतीत पुरोगामी विचारांचे आणि दयाळू स्वभावाचे होते. ते पाश्चात्य गुढवादाने प्रभावित झाले होते. त्यामुळे त्यांनी पाश्चात्त्य जगाला वेदांत आणि योगाच्या भारतीय दर्शनाचा परिचय करून देण्यात महत्त्वाची भूमिका निभावली. याशिवाय स्वामी विवेकानंद यांच्या विविध घटनांची माहिती दिली तसेच राजमाता जिजाऊ या स्वराज्याच्या संकल्पक असून त्यांनी स्वराज्याच्या निर्मितीत महत्त्वाची भूमिका निभावून कुटुंबाबरोबर स्वराज्याची जबाबदारी निष्ठेने सांभाळली.

 कार्यक्रमाचे अध्यक्ष महाविद्यालयाचे प्राचार्य मेजर डॉ. अशोक गिरी यांनी आपल्या अध्यक्षीय भाषणात असे प्रतिपादन केले की, स्वामी विवेकानंद यांनी जागतिक धर्म परिषदेत आपले विचार मांडून वैदिक धर्माला जागतिक धर्म परिषदेत अधिष्ठान मिळवून दिले. याप्रमाणेच त्यांनी उठा, जागे व्हा, आणि आपले ध्येय प्राप्त होईपर्यंत थांबू नका असा संदेश दिला. या संदेशातून प्रेरणा घेऊन युवकांनी आपल्या आवडीच्या क्षेत्रामध्ये प्रामाणिकपणे कष्ट करून आपलं वेगळे अस्तित्व निर्माण करावे म्हणजे देशाचाही नावलौकिक वाढण्यास मदत होईल तसेच राजमाता जिजाऊ यांनी देखील प्राप्त परिस्थितीमध्ये सामाजिक बांधिलकीचा विचार न करता स्वराज्याची निर्मिती करून रयतेच्या मनात स्वाभिमान जागृत केला. त्यामुळे स्वराज्य हे आपले आहे याची जाणीव होऊन अनेक मावळ्यांनी स्वराज्याच्या निर्मितीसाठी आपले प्राण दिले. अशा या थोर महापुरुषांच्या विचारांचा स्वीकार करुन आपले ध्येय प्राप्त करावे

 या कार्यक्रमास महाविद्यालयाचे उपप्राचार्य डॉ. प्रमोद घाटगे यांची प्रमुख उपस्थिती होती. तसेच आदर्श पॅरामेडिकल इन्स्टिट्यूट सातारा च्या संचालिका सौ. दिपाली देशमुख, श्री मयूर देशमुख आदर्श पॅरामेडिकल इन्स्टिट्यूटचे शिक्षक, 30 विद्यार्थी- विद्यार्थिनी उपस्थित होते. राजमाता जिजाऊ व स्वामी विवेकानंद जयंती निमित्त या इन्स्टिट्यूट च्या सहकार्याने महाविद्यालयातील 120 विद्यार्थ्यांची रक्तगट तपासणी करण्यात आली. या कार्यक्रमास महाविद्यालयातील सर्व शिक्षक - शिक्षकेतर कर्मचारी, विद्यार्थी- विद्यार्थिनी यांचे सहकार्य लाभले.

 प्रास्ताविक कार्यक्रम अधिकारी डॉ. संजय भोसले यांनी केले तर आभार इतिहास विभाग प्रमुख प्रा. शंकर गेजगे यांनी मानले.

**तालुकास्तरीय विज्ञान प्रदर्शन स्पर्धेत आ . शशिकांत शिंदे कनिष्ठ महाविद्यालयाचे घवघवीत यश*मेढा . .

**तालुकास्तरीय विज्ञान प्रदर्शन स्पर्धेत आ . शशिकांत शिंदे कनिष्ठ महाविद्यालयाचे घवघवीत यश*

मेढा . दि . ४ , धुंदीबाबा विद्यालय विद्यानगर सोनगाव या ठिकाणी जावली तालुकास्तरीय विज्ञान प्रदर्शन स्पर्धा यशस्वी रित्या पार पडल्या.

शिक्षण विभाग -पंचायत समिती जावली मेढा यांच्या नेतृत्वाखाली पार पडलेल्या स्पर्धेत आ . शशिकांत शिंदे कनिष्ठ महाविद्यालयने तृतीय क्रमांक व उत्तेजनार्थ क्रमांक मिळवला .

   तृतीय क्रमांक इयत्ता १२ वी सायन्स मधील विद्यार्थी वेदांत जगताप व क्रिश माने यांनी होलोग्राम ( थ्रिडी इमेज ) हा प्रकल्प तयार केला होता त्यांची जिल्हास्तरावरील स्पर्धेसाठी निवड झाली आहे तर उत्तेजनार्थ क्रमांक रेन वॉटर हार्वेस्टिंग या प्रकल्पाला मिळाला . इयत्ता ११वी च्या साहिल ससाणे व मंथन जगताप यांनी हा प्रकल्प तयार केला होता .

सदर विद्यार्थ्यांना विज्ञान विभागाच्या श्रीमती प्रा .ज्योती कदम यांनी मार्गदर्शन केले .

 गटविकास अधिकारी श्री रमेश काळे व गटशिक्षणाधिकारी श्रीमती कल्पना तोडरमल व शिक्षण विस्तार अधिकारी श्री . चंद्रकांत कर्णे साहेब यांच्या हस्ते प्रमाणपत्र व ट्रॉपी देऊन विद्यार्थांना गौरविण्यात आले .

विद्यार्थ्यांच्या या यशाबाबत महाविद्यालयाचे प्राचार्य मेजर डॉ . अशोक गिरी यांनी व उपप्राचार्य डॉ प्रमोद घाटगे यांनी अभिनंदन केले .

सेवागिरी युवा महोत्सवातमेढा येथील आमदार शशिकांत शिंदे महाविद्यालय व जयवंत प्रतिष्ठान हुमगाव या दोन्ही संघाचा पथनाट्य स्पर्धेत द्वितीय क्रमांक...

सेवागिरी युवा महोत्सवात

मेढा येथील आमदार शशिकांत शिंदे महाविद्यालय व जयवंत प्रतिष्ठान हुमगाव या दोन्ही संघाचा पथनाट्य स्पर्धेत द्वितीय क्रमांक...

=================

मेढा -

प. पू. सेवागिरी महाराज पुसेगाव,यांच्या अमृतमहोत्सवी

यात्रानिमित्त,श्री सेवागिरी ट्रस्टच्या वतीने घेण्यात आलेला नववा जिल्हास्तरीय युवा महोत्सव नुकताच उत्सवात पार पडला.या महोत्सवात घेण्यात आलेल्या पथनाट्य स्पर्धेत, येथील जयवंत प्रतिष्ठान आणि आमदार शशिकांत शिंदे महाविद्यालयातील सांस्कृतिक विभागाच्या,विध्यार्थी कलाकारांनी सादर केलेल्या पथनाट्यांचे विभागून द्वितीय क्रमांक आले. जयवंत प्रतिष्ठान हुमगाव आणि आमदार शशिकांत शिंदे महाविद्यालय मेढा यांनी द्वितीय क्रमांक प्राप्त केल्या बद्दल दोन्ही विजेत्या संघांना रोख रक्कम,चषक व प्रमाणपत्र देऊन गौरविण्यात आले.विध्यार्थी कलाकारांनी तसेच जयवंत प्रतिष्ठान हुमगाव संघाने,मिळवलेल्या या यशाबद्दल,संस्थेचे अध्यक्ष आ. शशिकांत शिंदे, सचिव सौ. वैशालीताई शिंदे,सर्व विश्वस्त आणि महाविद्यालयाचे प्राचार्य,मेजर डॉ.अशोक गिरी,उपप्रचार्य डॉ. प्रमोद घाटगे तसेच सर्व प्राध्यापक,शिक्षकेत्तर कर्मचारी व महाविद्यालयातील विध्यार्थ्यांनी दोन्ही संघांचे,

अभिनंदन व कौतुक केले.सदर विद्यार्थी कलाकारांना डॉ.ओमकार यादव, प्रा.पी.डी.पाटील,

प्रा.धनश्री देशमुख यांचे अनमोल मार्गदर्शन लाभले होते.